महाराष्ट्रातील निर्यात प्रोत्साहन उपक्रम

एक्सपोर्ट हब (DEH) म्हणून जिल्ह्यांचा विकास: एकूण निर्यात वाढीमध्ये महत्त्वपूर्ण योगदान देण्यासाठी स्थानिक पातळीवर उत्कृष्टता केंद्र विकसित करण्याच्या उद्देशाने, प्रत्येक जिल्ह्याला एक्सपोर्ट हब (DEH) म्हणून विकसित करण्यासाठी राज्य सक्रिय प्रोत्साहन देते.

वैविध्यपूर्ण संधी: राज्याच्या निर्यात क्षेत्राचा विस्तार करण्यासाठी आणि नवीन बाजारपेठा शोधण्याच्या उद्देशाने महाराष्ट्र राज्य 400 पेक्षा जास्त संभाव्य निर्यात उत्पादनांच्या संदर्भात वैविध्यपूर्ण संधींचा सक्रियपणे पाठपुरावा करत आहे.

धोरणात्मक भागीदारी: निर्यात प्रोत्साहन परिषद (EPCs) आणि प्रादेशिक परकीय व्यापार महासंचालनालय (DGFT) कार्यालयांमध्ये सक्रियपणे सहभाग. जागतिक बाजारपेठेत संचार करण्यासाठी स्थानिक निर्यातदारांना समर्थन, निर्यात क्षमतेत वाढ.

संस्थांचे सक्षमीकरण: त्या-त्या जिल्ह्यातील विशेष उत्पादनांचे, विशेषत:‘एक जिल्हा एक उत्पादन’ (ODOP) उपक्रमांतर्गत समाविष्ट उत्पादनांचे डिझाइन, पॅकेजिंग, ब्रँडिंग आणि मार्केटिंग वाढविण्यासाठी प्रतिष्ठित महाविद्यालये, संशोधन संस्था आणि स्थानिक संस्थांसोबत हातमिळवणी.

निर्यात प्रोत्साहन कार्यक्रम आणि कार्यशाळा: राज्य शासनातर्फे नियमितपणे निर्यात प्रोत्साहन कार्यक्रम आणि कार्यशाळांचे आयोजन, निर्यात वाढीच्या सहयोगी प्रयत्नांना चालना देण्यासाठी राज्य आणि जिल्हा स्तरावर ज्ञानाची देवाणघेवाण आणि कौशल्य विकासासाठी प्रयत्नशील.

निर्यात प्रोत्साहनासाठी दहा कलमी कार्यक्रम: महाराष्ट्र राज्याच्या निर्यातीत शाश्वत वाढ होण्यासाठी मुख्य उपक्रमांवर लक्ष केंद्रित करणारा, निर्यात प्रोत्साहनासाठीचा व्यापक दहा कलमी कार्यक्रम राज्यात लागू.

क्षमता उभारणीवर भर: उगवत्या निर्यातदारांसाठी त्रैमासिक माहिती सत्रे, कार्यशाळा आणि प्रशिक्षण कार्यक्रमांचे आयोजन. गुणवत्ता मानके, सुरक्षा नियम, मूल्यवर्धन, निर्यात प्रक्रिया आणि तंत्रज्ञानाचा समावेश याबाबत सजग करण्यावर भर.

गुणवत्ता हमी केंद्र: गुणवत्ता चाचणी आणि प्रमाणपत्रासाठी अत्याधुनिक सुविधेची स्थापना. निर्यातदारांना नियामक मानकांची पूर्तता करण्याच्या कामी सहाय्य, जागतिक बाजारपेठांमध्ये सुलभ प्रवेशाची खातरजमा.

बाजारपेठ विस्तारासाठी उपक्रम: राष्ट्रीय आणि आंतरराष्ट्रीय व्यापार मेळाव्यांमध्ये निर्यातदारांच्या सहभागाची सोय. ग्राहकांपर्यंत पोहोचण्यासाठी आणि बाजारपेठेतील संपर्क मजबूत करण्यासाठी तिमाही खरेदीदार-विक्रेता बैठकांचे आयोजन.

तंत्रज्ञानसंबंधी सुधारणांचे केंद्र: निर्यातक्षम उत्पादने ओळखण्यासाठी ई-कॉमर्स मंचांसोबत हातमिळवणी. तांत्रिक आणि वित्तीय संस्थांसोबत भागीदारीच्या माधयमातून यंत्रसामग्री आणि तंत्रज्ञान सुधारणांची खातरजमा.

पत उपलब्धता सहाय्य: वित्तीय आणि बँकिंग संस्थांच्या सहकार्याने पत उपलब्धता सुनिश्चित. स्थानिक निर्यातदारांच्या प्रयत्नांना बळ देण्यासाठी मजबूत आर्थिक सहाय्य प्रणालीची खातरजमा.

उत्कृष्टतेसाठी निर्यात पुरस्कार: उत्कृष्ट कामगिरी करणाऱ्या निर्यातदारांचा सन्मान करण्यासाठी, निर्यात क्षेत्रातील त्यांच्या प्रशंसनीय कामगिरीची दखल घेऊन त्यांचा गौरव करण्यासाठी महाराष्ट्र राज्य निर्यात पुरस्कार प्रदान करते.